Türkmenistanyň umumy bilim berýän orta mekdeplerinde hereket edýän gyzlar gurnaklarynyň arasynda “Iň gowy gyzlar gurnagy” atly bäsleşikde ýeňijini kesgitlemek üçin SMS arkaly ses bermeklik başlandy.
Bäsleşik Halkara zenanar güni mynasybetli Türkmenistanyň Zenanlar birleşiginiň Merkezi Geňeşiniň, Türkmenistanyň Bilim ministrliginiň we Türkmenistanyň Telewideniýe, radiogepleşikler we Kinematografiýa baradaky döwlet komitetiniň bilelikde guramagynda geçirilýär.
Bäsleşigiň jemleýji döwlet tapgyryna gatnaşýan okuwçy gyzlaryň çykyşlaryny bahalandyrmak we ýeňijileri kesgitlemek boýunça ses bermek üçin 0560 gysga belgisine degişli kod belgisini iberip bolýar.
Ses berişliginiň netijelerini turkmentv.gov.tm saýtyndan yzarlap bolýar.
Toparlar:
- Arzuw: 111
- Gülälek: 137
- Meňli: 222
- Bagtyýar gyzlar: 322
- Gunça: 422
- Päkize: 522
- Tumar: 012
Bäsleşik okuwçy gyzlarda zähmetsöýerligi, gyz edebini, ahlak gözelligini, türkmen gyzlaryna mahsus bolan asylly gylyk-häsiýetleri terbiýelemegi, ene-mamalarymyzdan miras galan däp-dessurlarymyza, milli el işlerimizi öwretmegi maksat edinýär.
Bäsleşigiň 1-nji şertine laýyklykda, oňa gatnaşyjylar öz okaýan mekdebinde hereket edýän gyzlar gurnagynyň adyny, alyp barýan işini, şygaryny şahyrana dilde tanyşdyrmaly hem-de asylly gyz edebi bilen bagly bolan türkmen däplerine, ula hormat goýmak, kiçini sylamak ýaly terbiýeçilik ähmiýetli şygyrlaryň, aýdymlaryň, rowaýatlaryň üsti bilen öz ukyplaryny beýan etmeli.
1-nji şertiň ýerine ýetirilişine tomaşa etmek üçin şu ýere basyň.
2-nji şert: Bäsleşige gatnaşyjy gyzlar öz ýanlary bilen getiren gutarylmadyk milli el işleriniň nusgalaryny (keşde çekmek, köjüme köjemek, basma basmak, pugtamak, jähek çalmak, aldymgaç çalmak, alaja, jorap örmek, örüm işlerini, haly önümlerini dokamak we ş.m.) ýerine ýetirmeli we öz ussatlyklaryny görkezmeli.
2-nji şertiň ýerine ýetirilişiniň wideosyna tomaşa etmek üçin şu ýere basyň.
3-nji şert: Bäsleşigiň bu şertinde milli däp-dessurlarymyza laýyklykda, döwrebap türkmen saçagyny bezemeli we tagamyň taýýarlanyşyny çeper sözleriň, aýdyşyklaryň, nakyllaryň üsti bilen çeper beýan etmeli.
3-nji şertiň ýerine ýetirilişi 3-nji martda ýaýlyma berler we turkmentv.gov.tm saýtynda wideosy ýerleşdiriler.
Bäsleşigiň jemi 3-nji martda sagat 21:00-da turkmentv.gov.tm saýtynda jemlener.
