“Ýüzükleriň hökümdary: Hökmürowanlyk ýüzükleri” serialynyň şourannerleri Patrik Makkeý we Jeý Di Peýn Amazon bilen täze üçýyllyk şertnama baglaşyp, kompaniýa bilen hyzmatdaşlygy giňeldýär. Onuň çäklerinde eýýäm serialyň üçünji möwsüminiň üstünde işlenip başlandy diýip, lifehacker.ru habar berýär.
“Biz Jeý Di we Patrik bilen bu ajaýyp syýahata bäş ýarym ýyldan gowrak wagt mundan ozal başladyk. Biz henizem olaryň göz öňüne getirmeleriniň gerimine, şeýle-de “Ýüzükleriň hökümdary: Hökmürowanlyk ýüzükleri” serialynyň birinji möwsüminde gazanan global üstünligine haýran galmagy dowam etdirýäris. Biz Prime Video-nyň müşderileriniň Jeý Di bilen Patrigiň ikinji möwsümiň dowamynda we ondan soň hem döretmegi dowam etdirýän bu epiki başdan geçirmelerinden we dramasyndan lezzet almagyna sabyrsyzlyk bilen garaşýarys” – diýip, Amazon MG Studios-yň telewideniýe bölüminiň başlygy Wernon Sanders belleýär.
Serialyň üçünji möwsüminiň üstündäki işler heniz irki tapgyrda – ssenariýaçylar otagy heniz açylmady, şourannerler bolsa wakanyň ilkibaşdaky shemasyny ýaňy üýtgedip başladylar.
“Ýüzükleriň hökümdary: Hökmürowanlyk ýüzükleri” serialynyň premýerasy 2022-nji ýylda Prime Video kanalynda boldy. Heniz relizden öň Amazon onuň ikinji möwsüme uzaldylýandygyny habar berdi – ol eýýäm şu ýyl çykarylmaly.
