“Arkadag” toparynyň ýaşlar düzümi ilkinji gezek Türkmenistanyň ýaşlar birinjiligine gatnaşar. Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiligi 2-nji martda badalga alar diýlip, Futbol federasiýasynyň saýtynda aýdylýar.
Toparlaryň 9-synyň gatnaşmagynda geçiriljek ýaşlar çempionaty dört aýlawdan (ýaz-güýz) ybarat bolar.
Uly toparlarda bolşy ýaly duşuşyklaryny öz meýdanynda hem-de myhmançylykda geçirjek ýaşlar düzümleriniň oýunlary uly toparlaryň geçirýän oýunlarynyň bir gün öňüsyrasy oýnalar.
Geçen möwsümde ýaşlaryň arasyndaky birinjiligi Aşgabadyň “Altyn Asyr II” topary gazandy.
Ýokary liga futbol klublarynyň ýanyndaky ýaşlar toparlaryň arasyndaky futbol boýunça Türkmenistanyň Birinjiligine gatnaşýan toparlaryň sanawyny we duşuşyklaryň tertibini şu salgydan görüp bilersiňiz.
