Lankaster uniwersitetiniň Menejment mekdebiniň britaniýaly gözlegçileri howa ýollarynyň hereketini dolandyrmaga täze çemeleşme tapdylar. Ol emeli aň tehnologiýalaryny ulanmaga esaslanýar. Makala Transportation Science (TRSC) žurnalynda neşir edildi diýip, gazeta.ru habar berýär.
Sanly modelirlemäniň we optimizasiýanyň utgaşmasynyň kömegi bilen alymlar uçarlaryň gonuş yzygiderliligini kesgitlemegiň iň gowy usulyny tapdylar. Bu adaty “birinji geldi – birinji hyzmat edildi” düzgüni bilen deňeşdirilende, howadaky gijikmeleri 20%-den gowrak azaltmaga we howa menziliniň ähli amallarynda ýerbe-ýerligi ýokarlandyrmaga mümkinçilik berdi.
Gözlegçiler gatnaw wagtlarynyň, uçuş gijikmeleriniň, howa şertleriniň we beýleki faktorlaryň öňünden bilip bolmajak häsiýeti sebäpli howa menzilleriniň işiniň näbellilige sezewar bolýandygyny belleýärler.
Uçarlaryň gonuş yzygiderliligini optimizasiýalaşdyrmagyň häzirki usullary howa hereketini guramagyň ähli nýuanslaryny hemişe göz öňünde tutmaýar. Alymlaryň aýtmagyna görä, bu meseleden emeli aň baş çykarar. Neýroulgam kyn şertlerde kabul ediljek çözgütleriň netijelerini seljerer we iň gowy wariantlary hödürlär.
