Golaýda Döwletmämmet Azady adyndaky Türkmen milli dünýä diller institutynda Türkmenistanyň Bilim ministrligi tarapyndan eýeçiligiň görnüşine garamazdan ähli görnüşdäki gysga möhletli okuwlary guraýan bilim edaralarynda okaýanlaryň arasynda daşary ýurt dilleri boýunça Döwlet bäsleşiginiň Aşgabat we Ahal welaýat tapgyry geçirildi. Döwlet bäsleşiginiň bu tapgyryna okuw merkezlerinde ýeňiji bolan diňleýjiler gatnaşdylar.
Indi ýurdumyzda ikinji gezek geçirilýän bu bäsleşik daşary ýurt dillerini suwara bilýänleriň ençemesini bir meýdança jemledi. Ýurdumyzyň dil merkezlerinden gelen ýaşlar özleriniň ukyp-başarnyklaryny görkezdiler. Aç-açanlyk görnüşde geçirilen bäsleşikde diňleýjileriň ýerine ýetiren ýumuşlaryna eminler topary tarapyndan mynasyp baha berildi.
Bäsleşik iňlis we rus dilleri boýunça geçirildi. Her dil boýunça olimpiada gatnaşyjylar ýaş aýratynlyklary boýunça 3 topara bölündiler. Bäsleşigiň nobatdaky tapgyryna iňlis dili boýunça 101, rus dili boýunça bolsa 66 sany okuwçy gatnaşyp, özüniň ukyp-başarnyklaryny görkezdiler. Netijede:
- «Kämil bilim» okuw merkezinden 13 diňleýji;
- «Zehin ýoly» okuw merkezinden 12 diňleýji;
- «Gujurly bilim merkezinden» 6 diňleýji;
- «Dana» bilim merkezinden 3 diňleýji;
- TSTB Telekeçiler merkezinden 2 diňleýji;
- «Bilim çeşmesi» okuw merkezinden 1 diňleýji bäsleşigiň ýurdumyz boýunça geçiriljek Döwlet tapgyryna gatnaşmaga hukuk gazandy.
Bäsleşigiň Döwlet tapgyry 2024-nji ýylyň 10-njy martynda Döwletmämmet Azady adyndaky Türkmen milli dünýä diller institutynda geçiriler.
