Afrikadan kolonistler tarapyndan ogurlanan sungat obýektleri barada gürrüň berýän “Dagomeýa” dokumental filmi 74-nji Berlin kinofestiwalynyň baş baýragy – “Altyn aýy” baýragyna mynasyp boldy. Bu barada çäräniň saýtyna salgylanyp, gazeta.ru habar berýär.
Mati Diop öz kartinasyny 1982-nji ýylda Afrikanyň Dagomeýa döwletinden Fransiýa äkidilen sungat obýektleriniň taryhyna bagyşlaýar. Baýrak gowşurylyş dabarasynda fransiýaly režissýor bu meselede “adalatyň geljekdigine” we oljalaryň yklyma gaýtaryljakdygyna umyt bildirdi.
Kinofestiwalyň Gran-prisini “Syýahatçynyň zerurlyklary” filmi üçin günorta koreýaly režissýor Hon San-su aldy. “Iň gowy režissýorlyk işi” üçin baýrak “Pepe” filmi üçin dominikanly Nelson Karlo de los Santos Ariasa berildi. “Iň gowy aktýorlyk işi” nominasiýasynda ýeňiji “Başga adam” filminde surata düşen amerikaly Sebastýan Sten boldy.
