Awstraliýada we Täze Zelandiýada genetik taýdan modifisirlenen bananlaryň satuwyna rugsat berildi. Bu barada Food Standards Australia New Zealand (FSANZ) azyk guramasynyň saýtyna salgylanyp, Esquire Kazakhstan habar berýär.
Cavendish QCAV-4 – bu dünýäde täjirçilik taýdan ösdürip ýetişdirmek üçin tassyklanan gen modifikasiýaly ilkinji banan sortudyr. Onuň önümçiligi üçin arzany Awstraliýanyň Brisben şäherinde ýerleşýän Kwinslend tehnologiýa uniwersitetiniň işgärleri berdi.
Täze sorty işläp taýýarlamak bilen bu uniwersitetden Jeýms Deýl meşgullandy. Taslamanyň üstündäki iş 20 ýyldan gowrak wagt dowam etdi, olardan ýedi ýyl meýdan synaglaryna sarp edildi.
Bu işiň maksady “Panama keseline” – ekin ýerleriniň uly möçberini ýok edýän kesele garşy durup biljek bananlaryň ösdürilmegi boldy. Soňky ýyllarda patogeniň täze ştammy Tropical Race 4 (TR4) 20 ýurtda ýüze çykaryldy.
Bananyň Cavendish sorty dünýäde iň meşhur sort hasaplanýar, global banan önümçiliginiň 47%-i onuň paýyna düşýär. 2019-njy ýylda hytaýly alymlara “Panama keseline” garşy durup bilýän Cavendish-iň täze hataryny döretmek başartdy. Soňlugy bilen bu ugurdaky gözlegler beýleki ýurtlarda-da dowam etdi.
