Google Android roboty şekilindäki kolleksion oýunjaklary satyp başlady

  • 22.02.2024 18:54
  • 4.4k+

«Google» harytlarynyň resmi dükany 16 dollara «Android Classic» kolleksion heýkeljigini hödürledi. Bu barada gazeta.ru «GizmoChina» portalyna salgylanyp habar berýär.

Oýnawaç çäkli sanda öndürilip, satyn almak üçin diňe ABŞ-da elýeterli bolar. Ol hereketli elleri bolan «Android» operasion ulgamynyň nyşanynyň 3 dýuýmlyk winil şekilidir.

«Biz köp garaşylan «Android» kolleksion heýkeljigini hödürleýändigimiz üçin diýseň begenýäris! Bu «Bugdroid» özboluşly aýratynlyklara baýdyr we islendik stoly ýa-da kitap tekjesini bezär» diýlip, heýkeljigiň beýanynda bellenilýär.

Robotyň ady Bot, ýöne önümiň sahypasynda bu at agzalmaýar. Munuň ýerine köp ýyl bäri ykjam operasion ulgamyň nyşanyny suratlandyrmak üçin ulanylýan «Bugdroid» sözi duş gelýär.
Oýnawajyň öndürijisi belli däl, ýöne internetde onuň «Dead Zebra» tarapyndan döredilendigi çaklanylýar. Ol ozal «Google» bilen hyzmatdaşlykda beýleki heýkeljikleri we esbaplary öndüripdi.
20-nji fewralda «Google-yň» web sahypasynda kolleksion oýunjaklaryň gutarandygy mälim edildi. Bu heýkeljigiň näçe mukdarda öndürilendigi mälim edilmedi.


16.09.2025 11:50
1.6k+

Alphabet bazar bahasy 3 trln dollardan geçen taryhda dördünji kompaniýa boldy

15-nji sentýabrda Google-a eýeçilik edýän Alphabet korporasiýasy bahasyny 4% ýokarlandyrdy. Şeýlelikde, ol dünýäde bazar bahasy 3 trln dollardan geçýän dördünji kompaniýa boldy. Iň ýokary derejesinde onuň bazar bahasy 3,04 trln dollara ýetdi...

09.09.2025 23:17
6.9k+

Trillioner tehnologiýa ägirtleriniň umumy kapitalizasiýasy 21 trln dollara ýetdi

ABŞ-nyň sekiz sany iň uly tehnologiýa kompaniýalarynyň umumy bahasy 21 trln dollardan geçdi. Nvidia-nyň paýnamalarynyň pese gaçandygyna garamazdan, bir hepdede olaryň bazar bahasy 420 mlrd dollar ýokarlandy. Indi bu kompaniýalar S&P 500 indeksiniň, takmynan, 36%-ini emele getirýär diýip, CNBC habar berýär...

16.08.2025 00:42
4k+

18 mlrd dollarlyk kompaniýa Google-dan Chrome brauzerini 34,5 mlrd dollara satyn almak isleýär

Perplexity startapy Google kompaniýasyna Chrome brauzerini satyn almak üçin 34,5 mlrd dollar teklip etdi. Bu barada The Wall Street Journal we Bloomberg habar berdi. Bu baha 18 mlrd dollar bilen bahalandyrylýan Perplexity-niň öz bazar bahasyndan tas iki esse ýokarydyr...

12.05.2025 07:10
2k+

Google 2035-nji ýyla çenli 3 sany täze atom elektrik stansiýasyna maýa goýmagy meýilleşdirýär

Google korporasiýasy atom energetikasy ugrundaky taslamalar bilen meşgullanýan Elementl Power amerikan kompaniýasy bilen hyzmatdaşlyk yglan etdi. Bu hyzmatdaşlygyň çäginde, Google umumy kuwwaty 1800 megawatt bolan üç sany täze atom elektrik stansiýasyna maýa goýmagy meýilleşdirýär...