2023-nji ýylda Samsung kompaniýasy yzygider 18-nji ýyl telewizor bazarynyň lideri boldy. Bu barada Omdia analitik firmasynyň täze hasabatyna salgylanyp, SamMobile neşiri habar berýär. Muny gazeta.ru ýetirýär.
Hasabata görä, 2023-nji ýylda Samsung-yň dünýäniň telewizor bazaryndaky paýy 30,1% boldy. Geçen ýyl kompaniýa 8,31 million QLED we Neo QLED telewizoryny satdy. 2017-nji ýylda ilkinji QLED telewizorlary çykyp başlany bäri Samsung şeýle gurluşdan 44 milliondan gowragyny satdy.
Kompaniýa premium telewizorlaryň segmentinde hem öňdebaryjy orny saklady. Samsung bu segmentde 60,5% bazar paýyny eýeleýär. Bu 2022-nji ýyldakydan 12,2% köpdür.
2022-nji ýylda OLED telewizorlary ilkinji gezek çykyp başlany bäri Samsung şeýle ekranlardan milliondan gowragyny satyp, bazaryň 22,7%-ini eýeledi. Kompaniýa şu ýyl ekran diagonaly uly bolan gurluşlaryň hasabyna OLED telewizorlarynyň satuwynyň artmagyna garaşýar.
Samsung Electronics-iň TV bölümçesiniň prezidenti Ýen Sok U ýakyn ýyllarda kompaniýanyň Micro LED ekranly telewizorlary has elýeterli etmegiň üstünde işlejekdigini aýtdy. Ilkinji nobatda, şeýle gurluşlaryň bahasy ekran diagonalynyň kiçeldilmeginiň hasabyna peseldiler.
