Amerikan tehnologiýa kompaniýasy Amazon teksti sintezlenen sözleýşe öwürmek üçin emeli aň modelini işläp düzdi. Döredijileriň aýtmagyna görä, neýroulgam häli-häzire çenli şeýle görnüşli iň uly ulgam boldy. Gözlegiň netijeleri arXiv portalynda ýerleşdirildi diýip, gazeta.ru habar berýär.
Big Adaptive Streamable TTS with Emergent options (BASE TTS) atly model 980 mln parametre eýe bolup, esasan, iňlis dilinde ýazylan 100 müň sagatlyk sözleýiş nusgalaryny ulanmak bilen türgenleşdirildi.
Şeýle-de, topar modeliň “adios, amigo” ýaly meşhur aýtgylary dogry aýdyp bilmegi üçin oňa beýleki dillerdäki sözleriň we jümleleriň aýdylyş mysallaryny berdi.
Işläp düzüjiler BASE TTS-ni kiçi maglumatlar toplumynda synagdan geçirdiler. Netijede, emeli aňyň çylşyrymly atlary ulanmaga, emosiýalary bildirmäge, punktuasiýadan peýdalanmaga, şeýle-de dogry sözlere ünsi çekip sorag bermäge ukyplydygy anyklanyldy.
Amazon BASE TTS-ni öwrediji programma hökmünde bilim maksatlary bilen ulanmagy meýilleşdirýär.
