«Apple» «iOS» operasion ulgamyndaky progressiw web goşundularyna (PWA) goldawyň Ýewropa Bileleşiginiň ýurtlarynyň ulanyjylary üçin ýapyljakdygyny tassyklady. Kompaniýa sanly bazarlar hakyndaky kanun (DMA) sebäpli bu ädimi ätmäge mejbur boldy.
Bu düzgünlere laýyklykda, ykjam operasion ulgamlarynyň eýeleri 2024-nji ýylyň 6-njy martyndan gijä galman, öz platformalarynda beýleki taraplaryň dükanlarynyň ulanylmagyna, öz dükanlaryndakylardan başga-da ykjam goşundylary gurnamaga rugsat bermeli we bäsdeşlik üçin bu ugurda birnäçe eglişik etmeli.
«The Verge» neşirinde bellenilmegine görä, ýewropaly ulanyjylara PWA goldawy iOS 17.4-de ýitdi. «Apple-iň» habarnamasynda web goşundylarynyň «mundan beýläk deslapky brauzerden açyljakdygy» aýdylýar.
Öňküsi ýaly, PWA-lary baş ekrana ýazdyryp bolýar, ýöne indi olar adaty zakladkalar ýaly, diňe brauzerde açylar.
