Berlinde 74-nji halkara film festiwaly başlandy. Film festiwalynyň açylyşynda baş keşpde Killian Merfiniň oýnamagynda “Şeýle ownuk zatlar” atly irland-belgiýa dramasynyň görkezilişi boldy.
Bu filmde waka 1985-nji ýylyň Roždestwo baýramynyň öňüsyrasynda ýaýbaňlanýar we ýerli monastyr bilen baglanyşykly haýran galdyryjy syrlaryň üstünden baran kömür söwdagäri barada gürrüň berilýär. “Şeýle ownuk zatlar” festiwalyň esasy ýaryş meýilnamasyna hem girýär we beýleki 19 film bilen birlikde baş baýrak - “Altyn aýy” ugrunda bäsleşýär.
Bu ýyl festiwalyň eminlerine meşhur aktrisa Lupita Niongo ýolbaşçylyk edýär.
Festiwalyň esasy wakalaryndan biri - meşhur režissýor Martin Skorseze kinematografiýa goşan goşandy üçin hormatly baýragyň gowşurylyşy bolar. Baýragyň gowşurylyş dabarasy 20-nji fewralda bolar we Leonardo Di Kaprionyň, Mett Deýmonyň we Jek Nikolsonyň baş keşbi janlandyran “Ynanjyndan dänen” jenaýat dramasynyň görkezilmegi bilen tamamlanar.
Berlinale 2024 baýragynyň eýeleriniň atlary 25-nji fewralda ýapylyş dabarasynda yglan ediler.
