Cars & Bids auksiony bir wagtlar ABŞ-nyň prezidenti Jo Baýdene degişli bolan gara reňkli Cadillac ATS-V 2018 ulagyny satuwa çykardy. 2017-nji ýylda Baýden tarapyndan sargyt edilen bu täsin awtoulag önümçilik modellerinden diňe bir reňk bilen däl, eýsem konfigurasiýasy taýdanam tapawutlanýar diýip, Motor1 habar berýär.
Cadillac agzalan reňk kombinasiýasyny teklip etmese-de, Baýden salony Kona Brown derisinden edilen ATS-V Raven Black-i ýörite sargyt etdi. Netijede, ol ýeke-täk ATS-V boldy.
Awtoulagyň ýörän ýoly 25 000 km, munuň köp bölegini Baýdeniň özi geçdi.
Özboluşly reňk sazlaşygyndan başga-da, awtoulagda CT4-V Blackwing-iň bürünç tigirleri, yzky bamper bezegli Renick Performance öň paneli, reňklenen aýna bar we dest çarhyna we geçiriş ryçagyna tüýjümek gaýyş çekilen.
Awtoulag Cadillac-yň kaşaň toplumy we howpsuzlyk bukjasy bilen üpjün edilendir, emma gapylary ok geçirmezek balmasa-da, baş ekrany bar. Tizlik çalşyjysy sekiz tizlikli awtomat arkaly amala aşyrylýar.
