Hytaýyň Milli kosmos edarasy (CNSA) 2028-nji ýyla meýilleşdirilen “Çane-8” Aý missiýasy barada maglumat berdi. Ol Ýeriň hemrasynda ösümlikli ekoulgamlaryň döredilmegini göz öňünde tutýar. Bu barada kosmos edarasynyň resmi saýtyna salgylanyp, gazeta.ru habar berýär.
“Çane-8” enjamy Gün energiýasynyň hasabyna Aý topragyny eretmäge we ony robotlaryň kömegi bilen mundan beýläkki gurluşyk üçin bloklara öwürmäge gönükdirilen gurluşy öz içine alýar.
Tejribe ösümlikler we mikroblar bar bolan germetik gurşawyň döredilmegini göz öňünde tutýar. Netijede, alymlar geljekki Aý bazasynda gerek bolan azyk we kislorod önümçiligi üçin Aý topragyny ulanmagyň mümkinçiliklerini öwrenmek isleýärler.
Beýleki peýdaly ýükler radiometri we Ýere gözegçilik etmek üçin multispektral kamerany öz içine alýar. Gurluş Ýeriň klimaty we planetamyzyň magnitosferasy barada maglumat ýygnar.
“Çane-8” missiýasy Hytaýa adamlaryň Aýa gonuşyna taýýarlanmaga kömek eder, munuň 2030-njy ýyla çenli bolmagyna garaşylýar.
