HPG-niň gözleg bölüminiň müdiriýetiniň orunbasary Antonio Spilimbergo dünýäniň köp ýurtlarynda döwlet karzynyň derejesiniň soňky 50 ýylda iň ýokary möçbere ýetendigini aýtdy. Bu barada “Praým”habar berýär.
Spilimbergo Bütindünýä bankynda garyplyk meselesi baradaky konferensiýada çykyş edip, bu meseläni çözmegiň maksatly sosial çykdajylary talap edýändigini aýtdy. Şeýle hem, garyplaryň öňünde durýan birnäçe kynçylyklara, şol sanda demografiki, tehnologiki, howa bilen bagly we fiskal kynçylyklara ünsi çekdi.
Döwlet karzy birnäçe faktorlaryň netijesinde artdy. Şolaryň arasynda 2008-nji ýyldaky ählumumy maliýe çökgünligini görkezmek bolar, köp ýurtlar öz ykdysadyýetini goldamak üçin karzlary artdyrmaga mejbur boldy.
Soňra ýagdaý COVID-19 pandemiýasy bilen bagly hasam agyrlaşdy. Hökümetler saglygy goraýyş, sosial goldaw we bu kesele garşy göreşmek üçin çykdajylary köpeltmeli boldular.
Geosyýasy dartgynlyk we energiýa göterijileriň bahalarynyň ýokarlanmagy hem döwlet çykdajylarynyň ýokarlanmagyna sebäp boldy.
