Türkiýeli aktýor Burak Özçiwit Siriusda geçiriljek Bütindünýä ýaşlar festiwalynyň çäginde geçiriljek «Bilim.Ilkinjiler» marafonyna gatnaşar. Aktýor okuw lektoriýasynyň myhmanlarynyň soraglaryna jogap berer we kino hakynda gürrüň berer.
«Ajaýyp asyr», «Saýrak guş», «Gara söýgi» seriallarynyň ýyldyzy Burak Özçiwit ozal hem Russiýa birnäçe gezek gelipdi. Indi meşhur türk aktýorynyň «Bilim.Ilkinjiler» marafonynda çykyş etmegine garaşylýar. Bu barada Russiýanyň «Bilim» jemgyýetiniň resmi web sahypasy habar berýär.
Okuw lektoriýasynyň myhmanlary artistiň teleseriallar we türk kinosynyň meşhurlygy baradaky pikirini öwrenerler.
Bu çäre 2024-nji ýylyň mart aýynda Siriusyň federal meýdançasynda Bütindünýä ýaşlar festiwalynyň çäklerinde geçiriler. Bilim, medeniýet, ylym, meýletinçilik işi, sport we işewürlik ugurlary boýunça 20 müň sany ýaş ýolbaşçylar hem-de aktiwistler Krasnodar sebitine Gara deňziň kenaryna gelerler.
