Meta-nyň baş direktory Mark Sukerberg 500 dollarlyk Meta Quest 3 garnituryny Apple-iň ýaňy-ýakynda çykaran 3500 dollarlyk Vision Pro-sy bilen deňeşdirdi. Milliarder Quest 3-iň Apple-iň täze önüminden birnäçe ugurda ýokarydygyny aýtdy diýip, Macrumors habar berýär .
Zukerberg Quest 3-iň "adamlaryň garyşyk hakykaty ulanýan zatlarynyň köpüsi" üçin has gowy saýlawdygyny aýtdy.
Ol Quest 3-iň aşakdaky peýdalaryny sanap geçdi:
- - Vision Pro-dan 7 esse arzan;
- - “Vision Pro ýaly” uly ekranlara ýokary hilli geçirişi üpjün edýär;
- - 120 gram ýeňil we has amatly;
- - Päsgel berýän simleri ýok;
- - Has giň meýdany we has ýagty ekrany hödürleýär;
- - Bulaşyksyz has dury şekil berýär;
- - Takyk dolandyryjylar we has takyk el yzarlamak bilen enjamlaşdyrylan;
- - Çuňňur mazmunly kitaphananyň giň elýeterliligi bar;
- - YouTube-a tomaşa etmäge we Xbox oýnamaga mümkinçilik berýär.
Sukerberg Apple-iň Quest 3-den has ýokary çözgütli ekrana ýetmek üçin döreden rahatlyklaryna, ergonomikasyna we beýleki aýratynlyklaryna haýran galandygyny aýtdy.Ol Apple-iň hemişe täze önüm kategoriýalarynda öňdebaryjy däldigini aýtdy we Meta enjamlarynyň ahyrsoňy "ýeňiş gazanjakdygyna" umyt bildirdi.
Meta Quest 3 oktýabr aýynda satuwa çykaryldy. Garniturada Apple Vision Pro-nyň 4K mikroLED displeýlerinden tapawutlylykda, goşa 2K LCD panel bar. Agramy 515g, Qualcomm Snapdragon XR2 Gen 2 bilen işleýär, 8 Gb RAM we Touch Plus gözegçilik edijileri bar.
