Gizmochina-nyň habar bermegine görä, Internetde golaýda çykmaly eplenýän Huawei Pocket S2 smartfonynyň täze suratlary we ol baradaky jikme-jiklikler ýaýrady.
Fixed Focus insaýderi tarapyndan neşir edilen suratlar Pocket S2-ni üç reňk görnüşinde görkezýär: “Goýy benewşe”, “Rokoko Ak” we “Gara”.
Pocket S2-niň dizaýny köp babatda öňki Pocket S-i ýada salýar, ýöne düýpli üýtgeşmeler bar. Smartfonyň daşky ekrany ulaldylan, kameranyň modullary täzelenen we gelşigi kämilleşdirilen.
Pocket S2 -de Kirin 9000 5G prosessory, kämilleşdirilen esasy kamera we has uly daşky ekran bolar diýlip garaşylýar.
Huawei Pocket S2-niň resmi tanyşdyrylyşy ýakyn wagtda - insaýderleriň pikiriçe, fewral aýynyň ahyrynda bolup biler.
Huawei Pocket S 2022-nji ýylyň noýabr aýynda satuwa çykarylypdy we bazardaky iň meşhur ýygnalýan smartfonlaryň birine öwrülipdi. Pocket S2-niň ondanam üstünlikli bolmaga ähli mümkinçilikleri bar.
