Huawei kompaniýasy Weibo sosial ulgamynda öz täze Huawei Router X3 Pro routeriniň suraty bilen paýlaşdy. Onuň tanyşdyrylyşy noýabrda bolar.
Gizmochina-nyň belleýşi ýaly, gurluş adaty tor gajeti däl-de, has dogrusy, interýer elementi ýaly görünýär.
Huawei-niň inženerleri adaty tekiz korpusdan ýüz öwrüp, dizaýna başgaça çemeleşdi. Täze X3 Pro ýokarylygyna gysylýan we ýokary bölegi dury bolan silindriň şekilinde ýerine ýetirildi. Içinde bolsa yşykly dag depesiniň modeli ýerleşýär. Hödürlenen suratlarda ak we gyzyl yşykly görnüşler görünýär, ýöne reňki sazlap bolýandygy ýa-da enjamyň dürli görnüşde hödürlenýändigi entek belli däl.
Routeriň ýanynda meňzeş dizaýnly, ýöne kiçi göwrümli ikinji enjam görkezilýär – bu Mesh-retranslýator. Ol goşmaça kabelleri geçirmezden, Wi-Fi örtügini giňeltmäge mümkinçilik berýär.
Huawei entek tehniki aýratynlyklar barada maglumat bermese-de, Gizmochina neşiri täze enjamyň Wi-Fi 7 we NearLink şlýuzynyň goldawyna eýe boljakdygyny çaklaýar. Çeşmäniň maglumatlaryna görä, X3 Pro routeri Huawei-niň akylly öý ekoulgamynyň esasy elementleriniň biri bolup, birikdirilen gurluşlaryň durnukly işlemegini üpjün eder we olary bir merkezden dolandyrmaga mümkinçilik berer.
