Samsung bazara ilkinji bolup çykan Huawei Mate XT modelinden tapawutlanýan üç ekranly täze smartfonyny işläp taýýarlar. Bu barada SisaJournal-E koreý neşiri habar berýär.
Smartfonyň funksional aýratynlygy häzirlikçe belli däl, ýöne CES sergisinde kompaniýa açylan ýagdaýynda 12,4 dýuým diagonally ekrana eýe bolýan prototipi hödürledi. Ýöne täjirçilik wersiýasynyň has ykjam bolmagyna garaşylýar.
Ýatlap geçsek, Mate XT-niň ekrany S harpy ýaly ýygnalýar, ýagny bir eplem içine, beýleki eplem daşyna bolýar. Bu Huawei kompaniýasyna diňe bir displeý ulanmaga mümkinçilik berdi, ýöne ekranyň bir epleminiň daşynda durýandygy üçin onuň döwülmek töwekgelçiligi ýokary bolýar.
Huawei-den tapawutlylykda Samsung başgarak ýol saýlady we eplemiň G harpy görnüşinde bolmagyny makul bildi, ýagny iki eplem hem içine bakdyrylar. Ýöne şeýle dizaýn bilen, smartfonyň ekrany ýygnalan ýagdaýynda görünmez, netijede ulanyjy her gezek ulananda smartfony doly açmaly bolar ýa-da goşmaça displeýiň oturdylmagy gerek bolar.
Şeýle-de, täze smartfon Samsung-yň beýleki käbir modelleri ýaly ekranasty kamera eýe bolmaz we çäkli tiraž bilen çykarylar – bary-ýogy 300 000 birlik.
Beýleki maglumatlar gijräk peýda bolar.
