15-nji fewrala geçilen gije Çempionlar ligasynyň 1/8 final oýnunda Italiýanyň “Lasio” topary Germaniýanyň “Bawariýasyny” 1:0 hasabynda utdy.
Ýeke-täk goly “Bawariýanyň” goragçysy Daýo Upamekano düzgün bozulma sebäpli meýdançadan çykarylandan soň 69-njy minutda penaltiden Çiro Immobile geçirdi.
“Bawariýa” ýekeje gezek hem topy nyşana düşürip bilmedi we derwezäniň gapdalyndan geçen urgular boýunça Çempionlar ligasynyň rekordyny goýdy. Umuman alanyňda, Mýunheniň toparynyň oýunçylary hüjümde 17 urgy urdular.
Topar yzygider ikinji ýeňlişine sezewar boldy. 10-njy oktýabrda Mýunheniň kluby “Baýerden” utuldy (0:3). 2015-nji ýyldan bäri ilkinji gezek “Bawariýa” iki oýunda bir gol hem geçirmedi.
Günüň beýleki bir oýnunda Fransiýanyň “Pari Sen-Žermen” kluby Ispaniýanyň “Real Sosýedad” toparyny 2:0 hasabynda utdy.
Oýunda Kilian Mbappe (58-nji minut) we Bredli Barkolýa (71) gol bilen tapawutlandy.
Jogap oýny 6-njy marta geçilýän gije Ispaniýanyň San-Sebastýan şäherinde geçiriler.
