Aşgabatda Türkmenistanyň Ministrler Kabinetiniň Başlygynyň medeniýet we köpçülikleýin habar beriş serişdeleri ulgamyna gözegçilik edýän orunbasary M.Mämmedowanyň Türki döwletleriň medeniýet boýunça halkara guramasynyň (TÜRKSOÝ) Baş sekretary Sultanbaý Raýewiň duşuşygy geçirildi.
Türkmenistan Halkara habarlar merkeziniň habar bermegine görä, taraplar 2024-nji ýylda TÜRKSOÝ guramasynda Gündogaryň beýik akyldarynyň doglan gününiň 300 ýyllygy mynasybetli “Türki dünýäsiniň akyldary we şahyry Magtymguly Pyragynyň ýyly” we Änew şäheriniň türki dünýäsiniň medeni paýtagty diýip yglan edilmegi bilen bagly bilelikdäki medeni çäreleri guramagyň maksatnamasyny maslahatlaşdylar.
Bu ugurlarda işjeň hyzmatdaşlyk etmäge taýýarlyk mälim edildi.
