Hytaý Halk Respublikasynyň Senagat we maglumat tehnologiýalary ministrliginiň resmi web sahypasynda Toyota Camry-niň iki motorly gibrid görnüşiniň suratlary çap edildi.
IXBT.com-yň habar bermegine görä, bu awtoulag TNGA-K platformasynda gurlup, kuwwaty näbelli elektrik hereketlendirijisi bilen jübütlenen 2,5 litrlik atmosfera hereketlendirijisini ulanar.
Gibrid güýç gurluşy aňry gitse, bary-ýogy 184 at güýjüni ýa-da 136 kWt-y öndürer.
Awtoulagyň umumy daşky görnüşi 2 litrlik içinden otlanýan hereketlendirijisi bolan gibrid görnüşinden känbir tapawutlanmaýar. Täze awtoulagyň çyralary C görnüşinde ýerleşýär. Kuzowyň gabarasy barada aýdylanda bolsa, täze önümiň uzynlygy, ini we beýikligi degişlilikde 4950, 1850 we 1450 mm, teker bazasy 2825 mm.
Suratlara seretseň, täze awtoulag iki reňkli kuzowy, sport äheňindäki alynky we yzky jähekleri we islegiňe görä, dürli tekerleri bolan dürli daşky görnüşleri hödürleýär.
