Saud Arabystanynda polisiýa işgärleri üçeginde dron oturdylan we uçuş meýdançasy bolan Lucid Air elektrokaryna geçdiler. Bu barada auto.ru žurnaly habar berýär.
Patyşalygyň hukuk goraýjy edaralarynyň işgärleri üçin ýörite elektrokar ilkinji gezek Er-Riýadda geçirilen Bütindünýä goranmak sergisinde hödürlendi. Ulag gara-ak liwreýa eýe boldy.
Awtoulagyň üçegindäki dron guty bilen örtülendir. Konteýner awtomatik ýagdaýda açylýar, şondan soň kopter uçuşa taýýar. Ýöne elektromobiliň haýsy görnüşiniň polisiýa ulaglarynyň esasynda durandygy habar berilmeýär. Dört wersiýada hödürlenýän elektrokaryň bahasy 77,4 müň dollardan 249 müň dollar aralygynda üýtgeýär.
2022-nji ýylda baglaşylan şertnama laýyklykda, geljek 10 ýylda amerikan öndürijisi Lucid Motors Saud Arabystanynyň polisiýa gullugyna şeýle elektromobillerden 100 müň sanysyny iberer.
2023-nji ýylyň güýzünde patyşalygyň çäginde Arizonadaky baş kärhanadan iberilýän awtoulag böleklerinden elektromobilleriň önümçiligi başlandy. Häzire çenli 800-e golaý elektrokar ýygnaldy.
Häzirki wagtda Lucid Motors kompaniýasynyň paýnamalarynyň 62%-i Saud Arabystanynyň Döwlet gaznasyna (RIF) degişlidir. Hökümetiň kärhana umumy maýa goýumlary, takmynan, 10 mlrd dollara barabar.
