Ford Golliwudyň aktrisasy Sidni Suininiň gatnaşmagynda işlenip düzülen özboluşly Mustang modelini görkezdi. Aktrisa awtoulagyň dizaýnyny işläp düzdi diýip, Carscoops-a salgylanýan Motor.ru habar berdi.
Bu Ford Mustang GT-iň diňe iki nusgasy öndüriler. Birini aktrisanyň özi alar, ikinjisi markanyň sosial ulgamlardaky abonentleriniň arasynda utuşa goýlar.
Sidni Suini köpden bäri Ford Mustang-yň muşdagy hasaplanýar. Ol baryp babasynyň F-100-ni sürmegi öwrenipdi. Koronawirus çäklendirmesi wagtynda 1969-njy ýylda çykan Broncon modelini dikeldip, bu barada dokumental film surata düşürdi.
Ozal aktrisa Ford bilen bilelikde markaly eşikler toplumyny çykardy, indi bolsa özboluşly awtoulag döretmekde öz güýjüni synap görmek isleýär.
Aktrisa awtoulagyň bezegine birnäçe äheň goşdy. Şeýlelik bilen, ulagyň kuzowy we salony Sidniniň marka nyşany bilen bezelendir - iki boltdan ýasalan ýürek we ulagyň petiginiň LED bezegi aktrisanyň gijeki gezelençlere bolan söýgüsini aňladýar.
