Gyrgyzystanda ilkinji gezek ýüzýän Gün elektrik stansiýasy işe girizildi. Bişkek şäheriniň golaýyndaky gidroelektrik stansiýasynyň ýanyndaky suw howdanlarynyň birinde 200 Gün paneli oturdyldy. Häzirlikçe olar az güýç – bary-ýogy 95 kWt öndürýärler. Ol diňe 20-den gowrak maşgalany elektrik bilen üpjün etmäge ukyply.
«Onuň netijeliligi has ýokary, sebäbi çyglylyk, radiasiýa we Gün energiýasynyň kabul edilişi ep-esli ýokarlanýar» diýip, «Çakan GES-niň» baş direktory Nurlan Sadykow belledi.
Olar ähli möwsümlerde hem işleýär. Olar gyş aýlarynda – gündiziň gysgalýan döwründe hem elektrik energiýasyny öndürýärler. Suwuň üsti aýna täsirini hem döredýär. Paneller 100% işleýär. Şeýle hem olarda döwülýän we bejergä mätäç bölekler ýok. Bu bolsa amatlydyr we Gün elektrik stansiýasyny gidroelektrik stansiýasyndan tapawutlandyrýan aýratynlykdyr.
Gyrgyzystanyň ýolbaşçylarynyň bellemeklerine görä, howanyň global derejede üýtgemegi bilen baglylykda, gaýtadan dikeldilýän energiýa çeşmelerine geçmek iň oňat çözgütdir. Şonda guraklyk ýurdy energiýadan mahrum edip bilmez.
Ýüzýän elektrik stansiýasynyň taslamasy dolulygyna we muzdsuz Aziýa ösüş banky tarapyndan maliýeleşdirildi.
