12 sany türkmen agyr atletikaçylary Daşkentde Aziýa çempionatyna gatnaşýarlar

  • 05.02.2024 19:23
  • 17k+

Türkmenistanyň topary Daşkentde badalga alan agyr atletika boýunça Aziýa çempionatyna gatnaşýar. Aziýa çempionatynda Türkmenistanyň milli ýygyndysyna 12 türgen wekilçilik edýär diýip, "Türkmenistan: Altyn asyr" elektron neşiri habar berýär.

2024-nji ýylda Parižde geçiriljek Olimpiýa oýunlaryna gatnaşmaga ýardam edýän utuklar ugrunda geçirilýän bu ýaryşa 34 ýurtdan 239 türgen ýygnandy.
Çempionat erkekleriň we zenanlaryň arasynda on agram derejesinde geçiriler. Hytaýly agyr atletikaçylar ýaryşa gatnaşmaýarlar, çünki olar mart-aprel aýlarynda geçiriljek Dünýä kubogy ugrundaky ýaryşa taýýarlanýarlar.
Zenanlar toparynyň hatarynda: Durresde (Albaniýa) ýaşy 17-ä çenli gyzlaryň arasynda 2023-nji ýylda dünýäniň çempiony Ogulşat Amanowa (agramy 49 kg çenli), 45 kilograma çenli agramda 2018-nji ýylda dünýä çempiony Ýulduz Jumabaýewa we Kristina Şermetowa (ikisi-de ýokary 55 kilograma çenli), 59 kilograma çenli agramda Tokioda geçirilen Olimpiýa oýunlarynyň kümüş medalynyň eýesi Polina Gurýewa (76 kg çenli), 2023-nji ýylda ýaşy 17-ä çenli gyzlaryň arasynda hem-de 20 ýaşa çenli ýetginjekleriň arasynda Aziýanyň çempiony, 2023-nji ýylda ýetginjekler dünýä çempionatynyň wise-çempiony Enemjan Rustamowa (81 kg çenli) bar.
Erkekler toparynda: Seýitjan Mirzaýew (61 kg çenli), Bunýad Raşidow we Bektimur Reýimow (ikisi hem 73 kg çenli), Maksat Meredow (81 kg çenli), 2023-nji ýylda Gwadalaharada (Meksika) geçirilen ýetginjekler dünýä çempionatynyň we 2023-nji ýylda geçirilen Delide (Hindistan) Aziýa çempionatynyň kümüş medalynyň eýesi Gaýgysyz Töräýew (89 kg çenli), dekabr aýynda Dohada (Katar) geçirilen II Gran Pri halkara ýaryşynyň ýeňijisi Şahzadbek Matýakubow (96 kg çenli) we Hojamuhammet Toýçyýew (109 kg-dan gowrak) çykyş ederler.
Agyr atletika boýunça Aziýanyň çempionaty 10-njy fewralda tamamlanar.


25.09.2025 21:15
10k+

«Arkadag» FK ikinji gezek Türkmenistanyň Naýbaşy kubogyny aldy

«Arkadag» futbol topary Türkmenistanyň Naýbaşy kubogyny yzly-yzyna ikinji gezek eýeledi. Aşgabatdaky «Nusaý» stadionynda geçirilen duşuşykda «Arkadag» «Ahaldan» 3:0 hasabynda üstün çykdy. Ýeňijileriň düzüminde iki goly Altymyrat Annadurdyýew (52-nji hem-de 63-nji minutlar), ýene bir topy bolsa Mirza Beknazarow (14) geçirdi...

23.09.2025 17:54
2.4k+

Olimpiýa komiteti Oýunlar wagty türgenleriň sosial ulgamlary işjeň ýöretmegini isleýär

Olimpiýa komiteti türgenlerde ýaryşlaryň dowam edýän wagtynda sosial ulgamlarda köpräk post goýmaga höwes döretmegi meýilleşdirýär diýip, Variety habar berýär. HOK-nyň wise-prezidenti Žerom Parmantýe 2024-nji ýylda Parižde geçirilen Oýunlarda türgenleriň sosial ulgamlarda paýlaşan kontentleriniň 8 mlrd töweregi laýk, repost we teswir ýygnandygyny belledi...

22.09.2025 17:43
3.6k+

Aşgabatda Talyplar sportunyň halkara güni mynasybetli forum geçirildi

20-nji sentýabrda Türkmen döwlet bedenterbiýe we sport institutynda «Sport parahatçylygyň we ynanyşmagyň girewidir» atly milli forum geçirildi. Forum Türkmenistanyň Garaşsyzlygynyň şanly 34 ýyllyk baýramy we Talyplar sportunyň halkara güni mynasybetli guraldy...

22.09.2025 14:26
6.3k+

Türkmen samboçylary Duşenbede Dünýä Kubogynda 11 medal gazandylar

20-21-nji sentýabrda Täjigistanyň paýtagty Duşenbe şäherinde sambo boýunça Dünýä Kubogy geçirildi. Bu ýaryşda Türkmenistanyň ýygyndysy jemi 11 medaly, ýagny 4 altyn, 3 kümüş we 4 bürünç medal gazanyp, uly üstünliklere eýe boldy...