Futbol klublary 2023-nji ýylda transferlere rekord mukdarda pul sarp etdiler

  • 01.02.2024 16:14
  • 10k+

FIFA web sahypasynda 2023-nji ýyldaky transfer hasabatyny çap etdi.

Ýylyň dowamynda serhetara 74836 sany transfer geçirilendigi bellenilýär. Bu transferleriň, takmynan, 23689-si (31,7%) professionallar (erkekler we zenanlar klublary) tarapyndan amala aşyryldy, galan 51 147 transfer (68,3%) bolsa höwesjeňlere degişlidir.
Futbol klublarynyň transferlere sarp eden umumy çykdajylary 9,63 milliard dollara ýetdi, bu 2022-nji ýyldakydan 48,1% köpdür. 2023-nji ýyldaky görkeziji 2019-njy ýylda goýlan öňki rekorddan (7,35 milliard dollar) 2 milliard dollardan hem köpdür.
Esasy 10 transferiň umumy bahasy sarp edilen ähli puluň 10%-den gowragyny emele getirýär. Pul tölenen 3279 transferden iň iri 100 transferiň umumy bahasy jemi çykdajylaryň 45%-den gowragyny düzýär, Angliýanyň klublary 2,96 milliard dollar bilen sanawda birinji orunda durýar.
Nemes klublary oýunçy satmakdan gazanylan girdejileriň sanawynda birinji orunda durýar, olar 1,2 milliard dollardan gowrak girdeji gazandylar. Geçen ýylda bolşy ýaly, Portugaliýanyň klublary beýleki döwletlere görä has köp oýunçy satyn aldylar (1017). Braziliýanyň klublary, tersine, köp oýunçy satdylar (1217).
2023-nji ýylda jemi 1024 klub halkara transferlerine pul harçlady. Taryhda ilkinji gezek 1000-den gowrak topar daşary ýurtlardan futbolçy transfer etdi. Transfer töleglerini alýan klublaryň sany 1241 boldy, bu-da täze rekorddyr.


düýn 14:29
6.4k+

Türkmenistan CAFA Milletler kubogynda Gyrgyzystan, Özbegistan we Oman bilen duşuşar

Merkezi Aziýanyň Futbol Assosiasiýasynyň (CAFA) Milletler kubogynyň toparçalaýyn tapgyrynyň oýunlarynyň tertibi resmi taýdan mälim edildi. Bu barada CAFA-nyň metbugat gullugy habar berýär. CAFA-nyň Milletler kubogy taryhda ikinji gezek geçirilýär...

24.08.2025 16:45
5k+

«Barselona» üçünji egin-eşik toplumyny hödürledi: Klub 11 ýyldan bäri ilkinji gezek mämişe reňke dolanar

«Barselona» futbol kluby 2025/26 möwsüm üçin üçünji egin-eşik toplumyny görkezdi. Hansi Fligiň topary 2014/15 möwsüminden bäri ilkinji gezek mämişi köýnekçede meýdana çykar. Klub taryhynda bu reňk sekizinji gezek ulanylar...

23.08.2025 18:33
20k+

Tramp 2026-njy ýylyň futbol boýunça dünýä çempionatynyň bijeleriniň çekiljek senesini we ýerini aýtdy

ABŞ-nyň Prezidenti Donald Tramp 2026-njy ýylyň futbol boýunça dünýä çempionatynyň bije çekişiginiň 5-nji dekabrda Waşingtonyň Kennedi adyndaky Ýerine ýetiriş sungat merkezinde geçiriljekdigini habar berdi. Ol muny FIFA-nyň prezidenti Janni Infantinonyň gatnaşmagynda Prezidentiň iş otagyndan ýörite ýüzlenme bilen aýtdy...

22.08.2025 19:07
14k+

Nike Braziliýadan sekiz ýaşly futbolçy bilen şertnama baglaşdy

Nike Braziliýadan “Flamengo” klubunyň çagalar toparynda çykyş edýän sekiz ýaşly futbolçy Natansinýo bilen şertnama baglaşdy. Bu barada O Globo neşiri habar berýär. Geçen möwsümde Natansinýo 8 ýaşa çenli oýunçylaryň arasynda Rio-de-Žaneýronyň çempionatynyň iň gowy bombardiri boldy...