The Korea Herald habarlar agentliginiň ýolbaşçysy Türkmenistanyň Seuldaky ilçihanasyna bardy

  • 31.01.2024 11:49
  • 4.4k+

30-njy ýanwarda Türkmenistanyň Koreýa Respublikasyndaky ilçihanasynda türkmen ilçisi B.Durdyýew «The Korea Herald» habarlar agentliginiň ýolbaşçysy Çoý Jin Ýong bilen duşuşyk geçirdi. Oňa agentligiň tanymal habarçysy Sanjaý Kumar hem gatnaşdy diýip, ýurdumyzyň daşary syýasat edarasy habar berýär.

Söhbetdeşligiň dowamynda taraplar Türkmenistan bilen Koreýa Respublikasynyň arasynda maglumat ulgamyndaky hyzmatdaşlygyň meselelerini, şol sanda, Türkmenistanyň daşary we içeri syýasaty baradaky habarlary media-holdingiň binýadynda ýerleşdirmek nukdaýnazaryndan özara gatnaşyklaryň mümkinçiliklerini ara alyp maslahatlaşdylar.
Pikir alyşmalaryň çäklerinde Türkmenistanyň Koreýa Respublikasyndaky ilçisi B.Durdyýew söhbetdeşlerine ýurdumyzda häzirki wagtda amala aşyrylýan möçberli özgertmeler barada habar berdi. Şunuň bilen birlikde, döwletiň maglumat syýasatyna aýratyn üns çekildi.
Türkmen tarapy Koreýa Respublikasynyň habarlar agentlikleri bilen gatnaşyklaryň ýola goýulmagynyň wajyp bolup durýandygyny nygtamak bilen, iki ýurduň ýeten üstünlikleri we olarda bolup geçýän möhüm wakalar baradaky täzelikleri hem-de habarlary alyşmaklygy hyzmatdaşlygyň esasy ugry hökmünde kesgitledi.
Ilçiniň bellemegine görä, 2024-nji ýyl Türkmenistanda «Pähim-paýhas ummany Magtymguly Pyragy» atly şygaryň astynda geçýär, munuň özi bolsa, milli we halkara derejelerinde Gündogaryň beýik şahyrynyň we akyldarynyň doglan gününiň 300 ýyllygyna bagyşlanyp guraljak dürli çäreleri göz öňünde tutýar. Şu nukdaý nazardan, Magtymgulynyň döredijiliginiň dünýä ýüzünde ykrar edilmeginiň aýdyň nyşany hökmünde Türki medeniýetiniň halkara guramasynyň (TÜRKSOÝ) çäklerinde şu ýylyň «Türki dünýäniň beýik şahyry we akyldary Magtymguly Pyragy ýyly» diýlip yglan edilendigi barada nygtaldy. Şeýle hem duşuşygyň dowamynda gadymy türkmen şäheri Änewiň Türki dünýäsiniň medeni paýtagty diýlip yglan edilendigi bellendi.


düýn 18:33
6.4k+

Uly we Kiçi Balkan daglary gorag astyna alnyp, goraghanalar dörediler

Türkmenistanda özeni Uly Balkan dagynda ýerleşdirilen täze goraghananyň, Kiçi Balkan dagynda we Günorta Ustýurtda bolsa ýörite goraghanalaryň döredilmegi meýilleşdirilýär. Şol bir wagtyň özünde, ýerli maldarlaryň işlerini dowam etdirmekleri üçin Balkan gerşiniň etekleri we töweregindäki öri meýdanlar olaryň ygtyýarynda galar...

düýn 18:18
3.1k+

"Türkmenhimiýa" DK ýod we brom öndürýän zawody gurmak boýunça bäsleşik yglan etdi

Türkmenistanda “Balkanabat” ýod zawodynyň Nebitdag-Monjukly känindäki çig mal bazasynyň durkuny täzelemek bilen, ýod, brom, we brom önümlerini öndürýän zawodynyň gurulmagy meýilleşdirilýär. "Türkmenhimiýa” döwlet konserni kärhananyň taslamasyny düzmek we ony doly gurmak boýunça halkara bäsleşik yglan etdi...

düýn 13:26
4.3k+

Türkmenistan, Azerbaýjan we Özbegistan optiki-paýlaýyş merkezleriniň ulgamyny döretmegi maslahatlaşýar

Azerbaýjan, Özbegistan we Türkmenistan optiki-paýlaýyş merkezleriniň ulgamyny döretmegi hem-de durnukly söwda-logistika zynjyrlaryny ösdürmegi meýilleşdirýärler. ORIENT agentliginiň Report neşirine salgylanyp habar...

düýn 11:59
4.3k+

Serdar Berdimuhamedow Koreýa Respublikasynyň Prezidentini dekabrdaky halkara foruma çagyrdy

29-njy awgustda Prezident Serdar Berdimuhamedow bilen Koreýa Respublikasynyň Prezidenti Li Çže Mýonyň arasynda telefon arkaly söhbetdeşlik geçirildi. Bu barada TDH habar berýär. Serdar Berdimuhamedow Li Çže Mýony Koreýa Respublikasynyň Prezidenti wezipesine saýlanylmagy bilen gutlap, oňa jogapkärli döwlet işinde uly üstünlikleri arzuw etdi...