«Amazon» kompaniýasy meşhur aktýor Jeýk Jillenholyň we irlandiýaly garyşyk söweş sungaty (MMA) söweşijisi Konor Makgregoryň surata düşen «Ýoldaky jaý» filminiň ilkinji treýlerini paýlaşdy.
Söweş filmi 21-nji martda striming ulgamynda görkeziler.
Makregor 35 ýaşynda. Ol karýerasynda 22 ýeňiş gazandy we 6 gezek ýeňildi. Irlandiýaly türgen 2021-nji ýylyň iýul aýyndan bäri oktagona çykmady. Ozal ol ýeňil we ýarym ýeňil agram derejelerinde Absolýut söweş çempionatynyň (UFC) çempionlyk guşaklaryna mynasyp bolupdy.
