14-nji iýunda ABŞ-nyň Ak tamynda geçiriljek UFC turniriniň gatnaşyjylary umumy bahasy 1 million dollar bolan goşmaça baýraklary almak mümkinçiligine eýe bolar. Bu jomartlygy UFC-niň hyzmatdaşy bolan Crypto kriptobiržasy amala aşyrar. Serişdeler iň gowy netije görkezen söweşijilere adaty bonuslardan daşary berler. Ýanwar aýyndan bäri UFC-de adaty bonuslaryň möçberi 100 müň dollar bolandygyny-da ýatlamak gerek.
Dabarasy eýýämden ýetik bu ýaryş ABŞ-nyň garaşsyzlygynyň 250 ýyllygyna bagyşlanar. Häzirki wagtda turniriň meýilnamasynda 7 sany söweş bar, olaryň ikisi çempionlyk guşagy ugrundadyr.
Esasy söweşlerde ýeňil agramda häzirki we wagtlaýyn çempionlar Iliýa Topuriýa hem-de Jastin Geýji guşaklary birleşdirmek ugrunda tutluşarlar. Şeýle-de Aleks Pereýra we Siril Gan agyr agramda wagtlaýyn çempionlyk guşagy üçin söweşerler.
Agyr agramlylar Derrik Lýuis bilen Joş Hokitiň arasyndaky ýedinji söweş bolsa ABŞ-nyň Prezidenti Donald Trampyň haýyşy boýunça hepdäniň ahyrynda maksatnama goşuldy.
