iPhone smartfonlaryna emeli aň giriziler

  • 28.01.2024 16:35
  • 4.8k+

«Apple» kompaniýasy 2024-nji ýylyň ortalarynda «iPhone» smartfonlaryna emeli aň girizer. Bu barada Financial Times (FT) habar berýär.

Söhbetdeşlik geçirilen hünärmenleriň bellemegine görä, korporasiýa emeli aňy öwrenmek bilen meşgullanýan taslamalary we kompaniýalary köpçülikleýin satyn alýar. «Apple» 2017-nji ýyldan bäri emeli aň tehnologiýalaryny we gurallaryny işläp düzmek bilen ol ýa-da beýleki baglanyşygy bolan 21 kompaniýany satyn aldy. «Emeli aň ulgamynda ýaraglanyş ýaryşy dowam edýär we «Apple» oňa çetde durup seretmegi meýilleşdirmeýär» diýip, «Wedbush Securities» maýa goýum kompaniýasynyň analitigi Deniel Aýws belledi.
«Morgan Stanley» kompaniýasynyň hünärmenleri emeli aňyň gönüden-göni «iPhone-a» birikdiriljekdigini bellediler we bu tehnologiýanyň peýda boljak wagtyny mälim etdiler. Şeýle funksiýalaryň ilkinjisi tomusda geçiriljek WWDC maslahatynda tanyşdyrylar, şeýle hem onuň dowamynda «iOS 18» görkeziler. «AI Pryon» korporatiw toparynyň ýerine ýetiriji müdiri Igor Ýablokowyň bellemegine görä, «Apple», mysal üçin, «Samsung» kompaniýasynyň tersine, emeli aň ulgamyndaky ösüşlerini görkezmäge howlukmaýar: «Ol bu tehnologiýanyň iň gowy nusgalarynyň birini hödürläp bilýänçä garaşýar».
«SemiAnalysis» ýarymgeçirijiler boýunça konsalting firmasynyň analitigi Dilan Pateliň bellemegine görä, «Apple-iň» prosessorlary hem emeli aň bilen işlemäge gönükdirilendir. Şonuň üçin brendiň köne enjamlaryna hem emeli aň tehnologiýalaryny goşup bolýar.


25.06.2025 10:59
3.9k+

Mask Grokuň täze wersiýasynyň “adamzadyň ähli bilimlerine” eýe boljakdygyny aýtdy

Ilon Mask Grok emeli aňynyň täze wersiýasynyň “adamzadyň ähli bilimlerini” özüne almalydygyny aýtdy. Ol bu barada X sosial ulgamynda ýazdy we öz AI-siniň öwrenmek üçin başga başlangyç maglumatlara esaslanýandygy sebäpli bäsdeşleriniň çözgütlerinden tapawutlanjakdygyny belläp geçdi...

25.06.2025 10:13
3.3k+

Russiýada emeli aňyň döreden mazmunlaryny tapawutlandyrmaga kömek etjek tehnologiýa döredildi

Russiýanyň Ylymlar akademiýasynyň Ulgam programmirleme instituty emeli aňyň kömegi bilen döredilen mazmuny awtomatiki bilgilemäge ukyply ulgamy döretdi diýip, RIA Nowosti habar berýär. Tehnologiýa, adamlar üçin görünmeýän, ýöne kompýuterler tarapyndan aňsat tanalýan sanly bellikleri ulanýar...

23.06.2025 12:49
3.2k+

ChatGPT-ä baglylyk beýniniň işjeňligini we döredijilik ukybyny peseldýär - barlaglar

Massaçusets tehnologiýa institutynyň (MIT) alymlary tekstler bilen işleşende ChatGPT - ä aşa bil baglamagyň öwreniş ukybyňy we tankydy pikirlenmäňi peseldip biljekdigini anykladylar. Bu barada täze barlaga salgylanýan Time žurnaly habar berýär...

22.06.2025 18:11
4k+

Ajaýyp, arman peýdasyz: tehnohöwesjeň Nintendo Switch-i iň haýal iPhone-a öwürdi

PatRyk lakamly tehnologiýa höwesjeňi Nintendo Switch oýun konsolynda iOS mobil operasion ulgamyny işe girizmegi başardy. Taslama synag maksatly geçirildi – ulgam, takmynan, 20 minutda ýüklenýär we ähli goşundylar dessine ýalňyşlyk ýüze çykyp ýapylýar diýip, «Tom’s Hardware» neşiri ýazýar...