Türkmenistanda daşary ýurt dilleri boýunça döwlet olimpiadasynyň geçjek seneleri yglan edildi

  • 26.01.2024 22:24
  • 5.2k+

Türkmenistanyň Bilim ministrliginiň Innowasiýa we maglumat merkezinde dürli eýeçilik görnüşli bilim edaralarynyň dil öwredýän gysga möhletli okuwlarynda okaýanlaryň arasynda daşary ýurt dilleri boýunça Döwlet olimpiadasyny geçirmek boýunça Merkezi we welaýat guramaçylyk komitetleriniň bilelikdäki mejlisi bolup geçdi.

Garyşyk görnüşde geçirilen mejlise gatnaşanlar rus we iňlis dillerini dürli derejede bilýänler üçin tabşyryklary taýýarlamagyň esasy ugurlaryny we düzgünlerini ara alyp maslahatlaşdylar, bäsleşige gatnaşýanlara bildirilýän talaplary, şeýle hem olimpiadanyň ikinji we üçünji tapgyrlaryna geçmegiň tertibini, olary geçirmegiň görnüşini we beýleki guramaçylyk meseleleri kesgitlediler.
Daşary ýurt dilleri boýunça Döwlet olimpiadasynyň birinji tapgyryny 4-nji fewralda bilim merkezlerinde geçirmek meýilleşdirilýär. 18-nji fewrala meýilleşdirilen ikinji tapgyr Aşgabatdan we Ahal welaýatyndan gatnaşýanlar üçin D.Azady adyndaky Türkmen milli dünýä dilleri institutynda, Balkanabat welaýaty boýunça Ýagşygeldi Kakaýew adyndaky halkara nebit we gaz uniwersitetiniň Balkanabat şäherindäki şahamçasynda, Daşoguz welaýaty boýunça Türkmen oba hojalyk institutynda, Lebap welaýaty boýunça Seýitnazar Seýdi adyndaky Türkmen döwlet mugallymçylyk institutynda, Mary welaýaty boýunça Mary şäherindäki Türkmenistanyň Döwlet energetika institutynda geçiriler. Daşary ýurt dilleri boýunça Döwlet olimpiadasynyň jemleýji, üçünji tapgyryny 10-njy martda D.Azady adyndaky Türkmen milli dünýä dilleri institutynda geçirmek meýilleşdirilýär.
Bu çäräniň guramaçylykly geçirilmegi üçin guramaçylyk komiteti, baş eminler we synçy iş topary döredildi. Olimpiadanyň guramaçylyk komitetleriniň düzümine Türkmenistanyň hususy bilim we dil merkezleriniň köpüsiniň ýolbaşçylary hem wekilleri girýär. Guramaçylaryň eýýäm daşary ýurt dilleri boýunça Döwlet olimpiadasyny geçirmek tejribesi bar ‒ ilkinji gezek ol geçen ýyl ýola goýuldy, indi bolsa her ýyl geçiriler.


24.06.2025 00:28
3.9k+

Türkmenistanda arap diliniň fonetikasy we maglumat tehnologiýalary boýunça täze okuw kitaplary çykaryldy

Türkmen döwlet neşirýat gullugy Türkmenistanyň Bilim ministrliginiň teklibi boýunça ýurdumyzyň ýokary okuw mekdepleri we umumy bilim berýän orta mekdepleri üçin täze okuw kitaplaryny çykardy. “Arap diliniň fonetikasy”...

23.06.2025 01:32
8.9k+

Türkmenistanyň 14 sany ýokary okuw mekdepleri «THE Impact Rankings-2025» dünýä reýtinginiň sanawyna girdi

Türkmenistanyň ýokary okuw mekdepleriniň 14-si «THE Impact Rankings-2025» atly her ýyl çap edilýän täsir etmegiň ählumumy reýtinginiň ýedinji neşirinde orun aldy. Bu ýokary okuw mekdepleri «Times Higher Education (THE)» Britan guramasynyň garaşsyz halkara bilermenleriniň ykrarnamasyna eýe boldular...

20.06.2025 20:00
2.1k+

Türkmenistanda “Ýaş žurnalistiň döredijilik mekdebi” atly okuw gollanmasy neşir edildi

Ýakynda Türkmen döwlet neşirýat gullugy “Ýaş žurnalistiň döredijilik mekdebi” atly okuw gollanmasyny neşir etdi. Magtymguly adyndaky Türkmen döwlet uniwersitetiniň Žurnalistika kafedrasynyň uly mugallymy, Türkmenistanyň...

13.06.2025 17:37
7.1k+

Balkanabatda mugallymlaryň festiwaly geçirildi

Balkanabat şäherinde “Kämil mugallym – kämil nesil” atly mugallymlaryň festiwaly geçirildi. Türkmenistanyň Bilim ministrliginiň hem-de “Kämil Bilim” okuw merkeziniň bilelikde guramagynda geçirilen bu çäre ýurdumyzyň günbatar sebitiň orta mekdeplerinde bilim berýän mugallymlaryň ýüzden gowragyny bir ýere jemledi...