ABŞ fewral aýynda Aýa täze gonuş enjamyny uçurmagy meýilleşdirýär

  • 26.01.2024 21:50
  • 2.7k+
ABŞ fewral aýynda Aýa täze gonuş enjamyny uçurmagy meýilleşdirýär

Amerikanyň täze Nova-C gonuş enjamynyň Aýa uçurylyşy fewral aýynyň ortalaryna meýilleşdirilýär. Bu barada NASA salgylanyp, Interfax.ru habar berýär.

Peýdaly ýük hökmünde enjam NASA-nyň bäş sany ylmy-gözleg guralyny göterer. Uçuryşy Floridanyň Kanaweral burnundaky kosmodromdan SpaceX kompaniýasynyň Falcon 9 raketa göterijisiniň kömegi bilen amala aşyrmak meýilleşdirilýär.
Intuitive Machines kompaniýasy tarapyndan döredilen Aýa gonuş enjamy fewral aýynyň ahyrynda Aýyň Günorta polýusyndan 300 km uzaklykda gonmaly bolar.
Missiýa üstünlikli bolan ýagdaýynda, Nova-C Aýa gonan ilkinji hususy amerikan enjamy bolar.

Blue Origin kompaniýasy Ýeri asteroidlerden goramagyň meýilnamasyny işläp düzýär
21.03.2026 16:51
1.5k+

Blue Origin kompaniýasy Ýeri asteroidlerden goramagyň meýilnamasyny işläp düzýär

Blue Origin kompaniýasy NASA we ylmy guramalar bilen hyzmatdaşlykda Ýeri howply asteroidlerden goramak üçin ulgam işläp düzýär. Taslama NEO Hunter diýlip atlandyrylýar. Ol dürli orbitalarda işläp bilýän we 4000 kg çenli enjamlary daşamaga ukyply modul hemra ulgamy bolan Blue Ring platformasyny ulanmaklyga esaslanýar...

Hytaý taryhda ilkinji bolup Marsyň nusgalaryny Ýere getirmäge taýýarlanýar
17.03.2026 10:35
1.8k+

Hytaý taryhda ilkinji bolup Marsyň nusgalaryny Ýere getirmäge taýýarlanýar

Hytaý özüniň ägirt uly maksatnamasy bolan «Tianwen-3» taslamasyny iş ýüzünde durmuşa geçirmäge resmi taýdan girişdi we Marsyň toprak nusgalaryny Ýere getirmeli ilkinji missiýasynyň enjamlaryny ýygnap başlady. Nusgalaryň 2031-nji ýylda Ýere getirilmegi meýilleşdirilýär...

Alymlar Aýda nohut ösdürip ýetişdirmegi teklip etdiler
15.03.2026 14:07
2.3k+

Alymlar Aýda nohut ösdürip ýetişdirmegi teklip etdiler

Ostindäki Tehas uniwersitetiniň we Tehas A&M uniwersitetiniň hünärmenleri Aýda guruljak geljekki bazalarda nohut ösdürip ýetişdirmegi teklip etdiler. Geçirilen tejribeleriň dowamynda olara Aýyň topragynyň nusgasynda — regolitde bu ösümligi ösdürip ýetişdirmek we hasyl almak başartdy...

Her planetanyň öz owazy bar: NASA teleskop maglumatlaryny saza öwürdi
10.03.2026 11:37
2.2k+

Her planetanyň öz owazy bar: NASA teleskop maglumatlaryny saza öwürdi

NASA-nyň hünärmenleri «Çandra» obserwatoriýasy tarapyndan alnan Ýupiter, Saturn we Uran planetalarynyň şekillerini owaz sazlaşygyna öwürdiler. Ýakynda bolup geçen planetalaryň parady döwründe ýygnalan bu ylmy maglumatlar sonifikasiýa arkaly audio görnüşine getirildi...