Google meşhur brauzerine täzelenme bolan Chrome 121-i çykardy. Kompaniýanyň oňa emeli aň esasly üç sany täze aýratynlyk goşandygyny Ferra habar berýär.
AI bilen integrirlenen ilkinji aýratynlyk ulanyjylara wkladkalary has netijeli tertipleşdirmäge mümkinçilik berýär. Tehnologiýa açyk wkladkalary seljerýär we toparlara bölmek üçin ulanyjy opsiýalaryny hödürleýär. Bu, esasanam, syýahaty meýilnamalaşdyrmak, gözlegler ýa-da söwda etmek ýaly birnäçe meseläni birbada çözmekde peýdalydyr.
Ikinji aýratynlyk ulanyjylara brauzer üçin ýörite mowzuklar döretmäge mümkinçilik berýän tekstden şekile geçirmek modelini ulanýar. Bu Chrome interfeýsini has şahsylaşdyrýan tema, şäht, wizual stil we reňk saýlamak arkaly gazanylýar.
“Help me write” diýilýän üçünji aýratynlyk dürli saýtlarda, mysal üçin, forumlarda tekst ýazmaga kömek etmek üçin döredildi. Ulanyjylar mazmun döretmekde kömek almak üçin islendik tekst ýa-da giriş meýdanynda syçanyň sag düwmesine basyp bilerler.
Google täze Gemini AI modeliniň integrasiýasyny goşmak bilen, 2024-nji ýylyň dowamynda Chrome-a web-serfingi ýönekeýleşdirjek we çaltlaşdyrjak has köp şuňa meňzeş aýratynlyklary goşmagy meýilleşdirýär.
