YouTube Shorts gysga dik wideolaryň döredilmegini aňsatlaşdyrmak üçin AI bilen işleýän täze gurallary hödürledi. Bu barada wideo hyzmatynyň blogunda habar berilýär.
Täze girizilen gurallaryň arasynda suraty wideo öwürýän funksiýa, AI-animasiýaly wideo effektler, şeýle hem tekst görkezmelerine esaslanyp wideo, şekil we saz döretmäge mümkinçilik berýän AI Playground redaktoryny öz içine alýar. Ähli gurallar Shorts interfeýsinde gurnaldy.
Şeýle hem ulanyjylar indi hakyky wideo esasynda animasiýa döredýän we el bilen çekilen eskizi doly reňkli şekile öwürýän "suwa çümmek" effektini hem ulanyp bilerler. Mundan başga-da, indi diňe bir suratdan wideorolik döretmek mümkin.
AI funksiýalary Veo 2 modelinde işleýär we häzirki wagtda diňe ABŞ-da, Kanadada, Awstraliýada we Täze Zelandiýada elýeterlidir. Geljekde olar täze Veo 3 modeline geçiriler. Şeýle hem, ulanylyş geografiýasyny giňeltmek meýilleşdirilýär.
