Geçen hepde Samsung birnäçe ýurtlarda täze Galaxy S24 hatarynyň flagmanlary üçin deslapky sargytlary açdy we eýýäm häzir onuň netijeleri bar: Hindistanda täze smartfonlar Samsung-yň iň meşhur flagmanlary boldy. Üç günüň içinde deslapky sargytlaryň möçberi 250 müň birlikden geçdi. Deňeşdirmek üçin, Galaxy S23 flagmanlaryna sargydyň şeýle möçberine ýetmek üçin üç hepde gerek bolupdy. Bu barada ixbt.com belleýär.
Hindistanda deslapky sargytlary resmileşdirýänler üçin Galaxy S24 sargyt edilen ýagdaýynda 180 dollar we Galaxy S24 Plus hem Galaxy S24 Ultra sargyt edilen ýagdaýynda 250 dollar möçberinde bonus wada berilýär. Bu ýurtda täze Samsung smartfonlarynyň açyk satuwy beýleki köp ýurtlardaky ýaly 31-nji ýanwarda başlar.
Counterpoint gözleg kompaniýasynyň wise-prezidenti Nil Şahyň aýtmagyna görä, Galaxy S24-e bolan uly isleg Samsung-a premium-smartfonlarynyň bazaryndaky paýyny 26%-den 28%-e çenli artdyrmaga mümkinçilik berer.
