Türkmenistanyň Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Türkmenistanyň Prezidentiniň garamagyna «Türkmenistanda kiberhowpsuzlygy üpjün etmek boýunça işleri güýçlendirmek üçin ýerine ýetirilmeli çäreler hakynda» Kararyň taslamasyny hödürledi.
Anna güni geçirilen Hökümet mejlisinde M.Çakyýew ýurdumyzyň kiberhowpsuzlygyny berkitmek, maglumat tehnologiýa we kiberhowpsuzlyk ugurlary boýunça ýokary derejeli hünärmenleri taýýarlamak, bu ugurda milli önümçiligi ösdürmek maksady bilen alnyp barylýan işler barada hasabat berdi.
Serdar Berdimuhamedow hasabaty diňläp, ýurdumyzyň kiberhowpsuzlygyny berkitmek, bu ugurda ýokary derejeli hünärmenleri taýýarlamak döwrüň talabydygyny belledi hem-de gol çekip, ony sanly ulgam arkaly Agentligiň ýolbaşçysyna iberdi we birnäçe anyk tabşyryklary berdi.
