Türkmenistanyň Daşkentdäki ilçisi Şadurdy Meredow Merkezi Aziýanyň Halkara institutynyň müdiri Žawlon Wahabow bilen duşuşdy. Bu barada institutyň ýolbaşçysy X sosial ulgamynda habar berdi diýip, Daryo.uz belleýär.
Diplomat onuň bilen 2024-nji ýylda özara gatnaşyklaryň mundan beýläkki ugurlary barada maslahatlaşdy.
Habarda Türkmenistanyň prezident Şawkat Mirziýoýewiň 2016-njy ýylyň ahyrynda wezipä girişeninden soň sapar eden ilkinji ýurdy bolandygy bellenilýär.
“Iki ýurt söwdada has gowy netije beren strategiki hyzmatdaşlyk barada şertnama baglaşdy. Soňky ýyllarda serhet proseduralary we hereket düzgünleri ep-esli gowşadyldy we ýönekeýleşdirildi” – diýlip, habarda aýdylýar.
Merkezi Aziýanyň Halkara instituty Özbegistanyň prezidentiniň başlangyjy bilen 2020-nji ýylda döredildi. Bu Merkezi Aziýada siwilizasiýa köpdürlüligini we durnukly ösüşiň häzirkizaman proseslerini öwrenmek bilen meşgullanýan sebitde ýeke-täk döwlet ylmy-gözleg edarasydyr.
