Solos startap kompaniýasy ChatGPT bilen işleýän we söhbetdeşleriň gepleşiklerini dürli dillere terjime edip bilýän AirGo 3 akylly äýnegi hödürledi diýip, MobileSyrup-a salgylanýan Ferra habar berdi.
Terjime aýratynlygyndan başga-da, AirGo 3-de ses sazlaýjy duýgur datçik, USB-C zarýad beriji, resept boýunça linza oturtmak mümkinçiligi, 10 sagat awtonom işläp bilýän batareýasy we IP67 derejeli suwa çydamlylygy bar.
Terjime etmek üçin täze önüm hakyky wagtda takyk we tebigy terjimäni üpjün edip, ösen tebigy dilleri gaýtadan işleýän ulgamy ulanýar. Şol bir wagtyň özünde, enjam iki ugur boýunça işleýär, bu size diňe bir daşary ýurt diline düşünmäge däl, eýsem halkara aragatnaşykda tapylgysyz gurala öwrülýän gürlemek mümkinçiligini hem berýär.
AirGo 3 ikiçäk gepleşikler üçin “diňlemek tertibini” goşmak bilen, birnäçe terjime režimini hödürleýär: birnäçe ulanyjynyň arasynda terjime edilen ara alyp maslahatlaşmalara başlamaga we olara goşulmaga mümkinçilik berýän “topar tertibi”; terjime edilen habarlary Solos smartfon programmasy arkaly tekste öwürmäge mümkinçilik berýän "tekst tertibi".
Äýnegiň bahasy 199 dollardan başlap, birnäçe reňk görnüşinde hödürlenýär.
