«Asus» korporasiýasy iki displeýi bolan «Zenbook Duo» noutbugyny tanyşdyrdy. Bu barada lenta.ru «The Verge» neşirine salgylanyp habar berýär.
Enjam özara berkidilen üç bölekden – iki ekrandan we klawiaturadan ybarat. OLED ekranlaryň diagonaly 14 dýuým, taraplarynyň gatnaşygy 16:10, durulygy 2880x1800 piksel we ýygylygy 120 gersdir. Kompýuterde jemi diagonaly 19,8 dýuýma deň bolan panel bar.Kompaniýa bu enjamyň dürli usullarda ulanylyp bilinjekdigini mälim etdi. Esasy enjamda bir ekran we klawiatura tarapyndan gizlenen ikinji ekran bar. Şeýle hem displeýleri klawiaturadan aýratynlykda stoluň üstünde goýup bolýar. Mundan başga-da, klawiaturany aýryp iki sensorly ekrany planşet hökmünde ulanyp bolýar.
«Asus Zenbook Duo» «Intel Core Ultra 9 185H» prosessoryna, 32 gigabaýt operatiw ýada we 2 terabaýt goşmaça ýada eýedir. Şeýle hem enjam iki sany «Thunderbolt 4» porty, USB-A birikdirijisi, HDMI çykyşy we ses ulgamyny ýa-da simli gulaklyklary birikdirmek üçin interfeýs bilen üpjün edildi.
«Zenbook Duo-nyň» bahasy 1499 dollara deňdir. Enjam ABŞ-da 2024-nji ýylda peýda bolar.
