Hytaýyň Şanhaý şäherinde ýüzlerçe robotyň kömegi bilen taryhy binalar toplumyny başga ýere göçürdiler. Bu barada New China TV habar berýär.
Huaýanli toplumy 1920-1930-njy ýyllarda gurlan. Ol kerpiçden we agaçdan ýasalan üç binadan ybarat. Desgalaryň umumy meýdany 4030 inedördül metr, agramy bolsa 7500 tonna.
Binalary göçürmek üçin inženerler uly bolmadyk 432 sany ýöreýän roboty ulandylar. Desgany günde takmynan 10 metr tizlik bilen süýşürdiler. Taslama topary gurluş kynçylyklaryny öňünden kesgitlemek üçin, 3D modellemegi we lazer skanirlemesini ulandy.
Toplum üç gatly ýerasty giňişlik gurlup bolýança wagtlaýyn göçürildi. Ol ýerde medeni we söwda zolaklaryny, şeýle hem metro liniýalarynyň arasyndaky geçelgeleri gurmak meýilleşdirilýär. Işler tamamlanansoň, toplum öňki ýerine geçiriler.
Şuňa meňzeş operasiýa öň Sankt-Peterburgda-da geçirilipdi. 2024-nji ýylda Gara derýadaky Imperatoryň terbiýeçilik öýüniň binasy, täze ýaşaýyş toplumynyň gurluşygy üçin meýdançany boşatmak maksady bilen, relsler boýunça 52 metr aralyga göçürildi.
