9-11-nji ýanwar aralygynda Saud Arabystany Patyşalygynyň Er-Riýad şäherinde Dag magdany boýunça üçünji halkara sergi-maslahaty geçirildi. Maslahata Türkmenistanyň Senagat we gurluşyk önümçiligi ministriniň orunbasarynyň ýolbaşçylygyndaky türkmen wekiliýeti hem gatnaşdy.
Çäräniň çäklerinde türkmen wekiliýeti ministrler derejesinde geçirilen tegelek stoluna we dürli mowzuklaýyn mejlislerip işine işjeň gatnaşdy. Mejlislerde dag magdan önümçiliginiň gelejegi hem-de önümçiligiň tebigata ýetirýän zyýananyň aňrybaş derejede azaldylmagy boýunça pikir alyşmalar geçirildi.
Mundan başga-da, türkmen wekiliýeti sergä gatnaşmak bilen, özüniň isleg bildirýän hem-de hyzmatdaşlygyň mümkinçiligi bar bolan ugurlar boýunça degişli şereketleriň wekilleri bilen göni aragatnaşygy ýola goýdy diýip, ýurdumyzyň daşary syýasat edarasynyň saýty habar berýär.
