11-nji ýanwarda Mary welaýatyna eden iş saparynyň çäklerinde Mary şäheriniň Gurbanguly Hajy metjidine baryp gördi. Bu barada Türkmenistan Halkara habarlar merkezi habar berýär.
Gurbanguly Berdimuhamedow bu ýerde öten-geçenleri ýatlap, sadaka berilse, aýat-töwirler okalsa, doga-dilegler edilse, pederlerden gelýän däp-dessurlaryň mynasyp derejede dowam edýändigini görkezer diýip belledi.
Türkmen halkynyň Milli Lideri din wekillerine ýüzlenip, ýaş nesilleriň watansöýüji, edep-ekramly, zähmetsöýer bolup ýetişmeklerinde uly işleri bitiren mähriban käbesi Ogulabat ejäniň hem-de kyblasy, özüniň manyly ömrüni halkyna, mähriban topragyna bagyş eden Mälikguly aganyň belli günleriniň Oraza aýyna düşýändigini aýtmak bilen, olary ýagşylykda ýatlap, olaryň belli günleriniň arasynda gelýän Anna gününde belli gün sadakasyny bermek baradaky teklibini ýaşulular bilen geňeşip görmeklerini haýyş etdi. Munuň özi halkymyzyň pederlerini goýýan uly hormatynyň nyşanydyr.
