Gyrgyzystanyň paýtagtynda milli baýdagyň täze nusgasynyň galdyrylyş dabarasy geçirildi diýip, respublikanyň hökümetiniň metbugat gullugyna salgylanýan TASS habar berdi.
Çäre Ministrler Kabinetiniň başlygy, Gyrgyzystanyň Prezidentiniň administrasiýasynyň başlygy Akylbek Japarowyň gatnaşmagynda Bişkekiň “Ala-Too” merkezi meýdançasynda geçirildi.
Döwlet baýdagynyň dizaýny bölekleýin üýtgedildi. Indi Gün şöhleleri tolkunly däl-de, göni çyzyklar görnüşinde şekillendirilýär.
Gyrgyzystanyň Döwlet baýdagynyň şekili bolan resmi resminamalaryň ähli görnüşleri olaryň hereket ediş möhleti gutarýança hem-de awtoulag serişdeleriniň baýdagyň şekili bolan nomer belgileri we ulag serişdesiniň bellige alnandygy hakyndaky şahadatnamalar bolsa degişli edara tarapyndan olary çalyşmak barada karar kabul edilýänçä güýjünde galar.
Ýurduň milli baýdagynyň öňki wersiýasy 1992-nji ýylyň mart aýynda respublikanyň mejlisiniň wekilleri tarapyndan kabul edilipdi we şondan bäri hem dizaýny üýtgemändi.
