Geçen ýyl Hytaýyň kino bazary 2019-njy ýyldan bäri iň ýokary derejä ýetdi

  • 08.01.2024 13:21
  • 6104
Geçen ýyl Hytaýyň kino bazary 2019-njy ýyldan bäri iň ýokary derejä ýetdi

2023-nji ýylyň jemi boýunça Hytaýyň kinoteatrlarynda 54,91 milliard ýuanlyk (7,75 milliard dollar) petek satyldy diýip, Sinhua gullugyna salgylanýan INTERFAX habar berýär.

2022-nji ýylda ýygymlar bary-ýogy 30 milliard ýuandan gowrak bolupdy.
Hytaýyň kinoteatrlarynda iň meşhur filmler Hytaýda öndürilen filmlerdir – geçen ýyl kassa ýygymynyň umumy girdejisiniň 83,8% -ini (46 milliard ýuandan gowrak) şolar düzdi.
2023-nji ýylda iň köp girdeji getiren film “Bol suwly gyzyl derýa” komediýasy boldy. “Sergezdan Ýer II” atly ylmy-hyýaly blokbaster ikinji ýeri eýeledi. Ilkinji üçlügi “Başga goýum ýok” kriminal dramasy bilen tamamlady.
Şol bir wagtyň özünde, 1-nji ýanwarda tamamlanan üç günlük dynç alyş Hytaýyň kino bazary üçin taryhda iň üstünlikli boldy. Kino studiýalary bu gysga möhletde, takmynan, 1,53 milliard ýuan töweregi girdeji gazandy. Öňki Täze ýyl rekordy 2021-nji ýylda hasaba alnyp, 1,3 milliard ýuan bolupdy.
Täze ýyl kassa ýygymynyň iň köp paýy (takmynan 40%) adybir meşhur teleseriala esaslanan “Ýiti ýyldyz ýylpyldaýar, nur saçýar” romantik filmine degişli boldy. Ol dynç alyşly baýramçylyk günlerinde 608 million ýuan gazandy.


04.02.2024 23:52
5643

Xiaomi dünýä bazaryna arzan Wi-Fi 7 routerini çykardy

Xiaomi dünýä bazaryna täze önümini - diýseň elýeterli Wi-Fi 7 router Xiaomi BE 3600-i hödürledi diýip, NotebookCheck.net salgylanýan Ferra habar berýär. Enjam Wi-Fi 7 goldawy arkaly ýokary we durnukly maglumat...

03.02.2024 00:58
5386

5-nji fewralda Aşgabatda Hytaýyň Türkmenistandaky Medeniýet ýylynyň ýapylyş dabarasy geçiriler

5-nji fewralda Döwlet medeniýet merkeziniň Mukamlar köşgünde Hytaý Halk Respublikasynyň Türkmenistandaky Medeniýet ýylynyň ýapylyş dabarasy geçiriler. Dabara görülýän taýýarlyk işleri barada wise-premýer M.Mämmedowa...

02.02.2024 19:22
12025

Hytaýdan pensioner dünýäde wideo oýunlar bilen meşgullanýan iň garry bloger boldy

Hytaýly pensioner dünýäde wideo oýunlar bilen meşgullanýan iň garry bloger boldy. Bu barada UPI neşirine salgylanyp, gazeta.ru ýazýar. Internetde “Ýan baba” ady bilen tanalýan 88 ýaşly Ýan Binlin wideo oýunlar...

31.01.2024 15:12
3117

Hytaýda ykjam telefonlaryň satuwy 2023-nji ýylda 6,5% ýokarlandy

2023-nji ýylda HHR-de ykjam telefonlaryň satuwy 6,5% ýokarlanyp, 289 mln birlik boldy. Bu barada ýurduň Senagat we maglumatlaşdyrma ministrliginiň Maglumat we aragatnaşyk tehnologiýalary akademiýasy (CAICT) habar...