X sosial ulgamy (şol wagt Twitter) Ilon Mask tarapyndan 2022-nji ýylyň oktýabr aýynda satyn alnany bäri onuň bahasy 3,5 esse arzanlady. Şeýle baha Fidelity kompaniýasy tarapyndan berilýär diýip, IXBT.com habar berýär.
Blue Chip Growth Fund-yň X-da az paýyna eýe bolan kompaniýanyň habaryna görä, sosial ulgamyň bahasy Mask satyn almazdan öňki döwürdäkisine garanda 71,5% kemeldi. Gaznanyň paýy, 2023-nji ýylyň 30-njy noýabryndaky ýagdaýa görä, 5,6 million dollar boldy. Şol bir wagtyň özünde deslap paý 19,7 million dollar diýlip çaklanylypdy.
Maskyň Twitter üçin tölän 44 milliard dollaryny göz öňünde tutsaňyz, Fidelity -niň bahalandyrmasy X kompaniýasynyň şu gün, takmynan, 12,5 milliard dollardygyny görkezýär.
Oktýabr aýynda X-iň bahasynyň, işgärlere berlen paýnama grantlarynyň bahasyndan çen tutsaň, takmynan, 19 milliard dollar töweregi bolandygy habar berildi.
Mask Twitter-i hususy eýeçiligine alyp, kompaniýanyň bahasyny we girdejisini yzarlamagy kynlaşdyrdy. Axios-yň belleýşi ýaly, “Hususy işde paýdardygyna garamazdan, Fidelity-ä X-nyň maliýe görkezijileri barada içerki maglumat hökman däl. Beýleki paýdarlar X-iň paýnamalaryna başgaça baha berip bilerler. ”
Mask, esasanam, mazmunyň moderasiýasyna çemeleşmesi sebäpli mahabat berijileri saklamakda kynçylyk çekdi. Telekeçi kompaniýanyň eýesi bolanyndan soň, gysga wagtyň içinde işgärleriniň köpüsini işden aýyrdy.
