Milliarder Bernar Arnonyň ogly Frederik LVMH kompaniýalar toparynyň topara degişli bolan sagat öndüriji brendleri dolandyrjak täze bölümçesiniň müdiri bellenildi. Bu barada kompaniýanyň içerki resminamasyna salgylanyp, BFMTV teleýaýlymy habar berýär.
Häzire çenli Arnonyň 29 ýaşly ogly Şweýsariýanyň lýuks sagatlary we hronometrleri öndürijisi TAG Heuer-iň baş müdiri bolupdy, ol bu wezipäni 2020-nji ýyldan bäri eýeleýärdi. Frederik öz karýerasyna kakasyna degişli bolan LVMH toparynda 2017-nji ýylda sanly tehnologiýalar we aragatnaşyk boýunça ýolbaşçy wezipesinden başlady.
LVMH Montres bölümçesi Hublot, Tag Heuer we Zenith brendlerini öz içine alýar. Teleýaýlymyň salgylanýan resminamasyna görä, Frederik Arno täze wezipesinde şaý-sepleri öndüriji Chaumet, Tiffany&Co, Bulgari, Fred we Repossi brendlerine gözegçilik edýän has uly bölümçe Montres & Joaillerie-niň ýolbaşçysynyň öňünde hasabat berer.
