Türkmenistanyň Daşky gurşawy goramak ministri Daşky gurşawy goramak we ekologiýa howpsuzlygyny üpjün etmek babatda döwlet talaplaryny tassyklady. Degişli hukuk resminamasy Türkmenistanyň Adalat ministrligi tarapyndan 2023-nji ýylyň 26-njy dekabrynda döwlet belligine alyndy.
Resminamada:
- Türkmenistanda hojalyk we beýleki işi amala aşyrýan ýuridik we fiziki şahslaryň işine;
- jaýlar, desgalar we beýleki obýektler taslamalaşdyrylanda, ýerleşdirilende, gurlanda, durky täzelenilende, ulanyşa girizilende, ulanylanda we ýykylanda;
- Senagat, energetika, ulag we aragatnaşyk, oba we suw hojalyk desgalary ulanylanda;
- Şäherler we beýleki ilatly ýerler gurlanda;
- Himiki maddalar ulanylanda;
- Tebigaty galmagalyň, wibrasiýanyň, magnit meýdanlarynyň, infragyzyl şöhlelenmäniň we beýleki zyýanly fiziki täsirleriň zyýanly täsirlerinden goramakda;
- Tebigaty zyýanly biologik täsirden goramakda;
- Galyndylar bilen işlenilende bildirilýän döwlet talaplary beýan edilýär.
Bu döwlet talaplarynyň kadalarynyň berjaý edilişine Ygtyýarlandyrylan edara gözegçilik edýär.
Döwlet talaplarynda bellenen kadalaryň berjaý edilmezligi Türkmenistanyň kanunçylygyna laýyklykda bellenilen jogapkärçilige eltýär.
Daşky gurşawy goramak we ekologiýa howpsuzlygyny üpjün etmek babatda döwlet talaplarynyň doly görnüşini şu salgydan okap bilersiňiz.
