Bill Geýts 2024-nji ýyl üçin çaklamasyny paýlaşdy. Emeli aň onda esasy orny eýeleýär

  • 25.12.2023 14:12
  • 8.9k+

Microsoft-y esaslandyrandan ýarym asyr töweregi wagt geçenden soň hem Bill Geýts IT çäginde täsirli şahsyýet we pudagy esaslandyryjylaryň biri bolmagynda galýar. Geýts öz blogynda AI (emeli aň) we innowasiýa hem-de geljek ýylda olaryň nähili ösjekdigi baradaky pikirlerini paýlaşýar.

Geýtsiň pikiriçe, 2023-nji ýylda AI-iň okgunly ösüşi ýakyn geljegi öňküdenem beter  kesgitlejek tehnologiýa tendensiýasynyň başlangyjydyr. Mundan başga-da, AI-niň üns merkezine öwrüljekdigini çaklaýar. Geýtsiň alty sahypalyk habarynda AI aňlatmasynyň 28 gezek gaýtalanýandygyny bellemelidiris.

"Meniň pikirimçe, ABŞ ýaly ýokary girdejili ýurtlarda AI-niň umumy ilat tarapyndan ulanylyşynyň ep-esli derejä ýetmegine 18-25 aý galdy". Geýts ortatap ösen ýurtlarda AI-niň ulanylyşynyň, beýleki tehnologiki täzeliklere garanyňda, has çalt depginde ösmegine garaşýar. Geýts 2023-nji ýylda AI-ni ilkinji sapar iş we beýleki çynlakaý maksatlar üçin ulanandygyny boýun alýar.

Geýts saglygy goraýyşy ösdürmek we bütin dünýäde garyplygy azaltmak işi bilen meşgullanýan Geýts Gaznasynyň alyp barýan işine ünsi jemlemek üçin 2000-nji ýylda Microsoft-yň baş müdiri wezipesinden aýryldy. Şonuň üçinem öz blogynda bu mowzuga hem degip geçdi.
Derman serişdelerini işläp taýýarlamak prosesi eýýäm köp mukdarda maglumatlary derrew derňäp bilýän AI programmalaryny ulanýar, täze dermanlary bazara çykarmagyň wagtyny gysgaldýar.
Bu pikirleriň käbiri işewürlik dünýäsinde seslenme tapýar. AI eýýäm kompaniýalara öz müşderileri barada has köp zat öwrenmäge, üpjünçilik zynjyrlaryny gowulaşdyrmaga we iş dinamikasyna has gowy düşünmek üçin maglumatlary saýhallamaga kömek edýär. Hatda ol täze kärhana açmak üçin iş meýilnamasyny döredip biler we biznes-keýsleri döretmek üçin AI-ni ulanmak bolsa eýýäm gowy ýola goýuldy.


27.08.2025 11:12
5.9k+

Mask iPhone-a ChatGPT-niň goşulmagy sebäpli Apple bilen OpenAI-i kazyýete berdi

Milliarder Ilon Maskyň X we xAI kompaniýalary Apple we OpenAI (ChatGPT çat-botuny dörediji) kompaniýalaryna garşy şikaýat arzasy bilen Tehasdaky kazyýete ýüz tutdy. Bu barada 25-nji awgustda Bloomberg agentligi habar berdi...

26.08.2025 14:37
4k+

Google-yň aýtmagyna görä, Gemini her soraga jogap bermek üçin bary-ýogy 5 damja suw sarp edýär. Hakykatdan hem şeýlemikä?

Google kompaniýasy Gemini emeli aňynyň daşky gurşawa ýetirýän täsiri barada öz barlagyny çap etdi. Kompaniýa netijeliligiň ýokarlanmagy bilen häzirki modeliň ortaça 0,24 watt sagat elektrik energiýasyny (telewizoryň dokuz sekuntlap işlemegine deň) we bir tekst soragy üçin takmynan 0,26 millilitr suw (bäş damja) sarp edýändigini tassyklaýar...

23.08.2025 18:35
3.3k+

Weýmarda ChatGPT-niň pýesasy boýunça “FaustX” spektakly görkezildi

Nemes şahyry Iogann Wolfgang fon Gýoteniň ýaşan we işlän ýeri bolan Germaniýanyň Weýmar şäherindäki sungat festiwalynda “FaustX” spektaklynyň premýerasy boldy. Ol günorta afrikaly režissýor Brett Beýli we onuň garaşsyz teatry Third World Bunfight tarapyndan sahnalaşdyryldy...

22.08.2025 18:51
6.4k+

Forbes: Ilon Maskyň Grok çat-boty ulanyjylar bilen ýüzlerçe müň söhbetdeşligi internete ýaýratdy

Ilon Maskyň xAI kompaniýasy tötänleýin ýüzlerçe müň ulanyjynyň Grok çat-boty bilen ýazyşan söhbetlerini açyk elýeterlilige hödürledi. Köp ulanyjylar öz söhbetdeşliginiň köpçülige ýaýrap biljekdigini bilmeýärdi diýip, Forbes žurnaly habar berdi...